"Қазақмыс Энерджи" ЖШС-не қарасты Жезқазған жылу электр орталығында апат болды, деп хабарлайды Inbusiness.kz.
Кеше, 2023 жылғы 13 шілдеде сағат 21:12-де қолайсыз ауа-райы жағдайына байланысты Ақадыр-Жезқазған 500 кВ электр беру желісі ажыратылды.
Электр желісі параметрлерінің өзгеруі Жезқазған ЖЭО-ның №7 және 11 қазандықтарының шаң қоректендіргіш қозғалтқышындағы жиілік түрлендіргіштерінің ажыратылуынан олардың сөнуіне әкелді, - делінген хабарламада.
Будың болмауына байланысты №4, 7 турбиналар тоқтатылды, содан кейін генерация толық төмендеді.
Стансаның жұмыс режимін қалпына келтіру бір сағаттан кейін 22:20-да басталды.
Технологиялық ақау фактісі бойынша жан-жақты тергеу жүргізу мақсатында Атомдық және энергетикалық қадағалау мен бақылау комитетінен комиссия құрылды.
Жезқазған ЖЭО-ның толық тоқтауы бірінші рет емес. 19 маусым сағат 12:45-те өзінің электр қажеттілігін жоғалту салдарынан станция генерациясы 129-дан 0 МВт-қа дейін төмендеген. Жоғарыда айтылғандардың негізінде Kazakhmys Energy ЖШС басшылығына Жезқазған ЖЭО-ның сенімді жұмысын қамтамасыз ету жөнінде пәрменді шаралар қабылдау тапсырылды, — деп хабарлады Энергетика министрлігі.
Нәтижесінде Kazakhmys Energy-дің қауіпсіз жұмыс мәселесі бойынша арнайы кеңес 17 шілде дүйсенбі күні министрлікте өткізіледі.