Атырау облысында 5 полицей тән және психикалық зардап келтірді деген күдікке ілінді, деп хабарлайды облыстық прокуратура.
21 маусымда Атырау облыстық прокуратурасы адамды азаптады деген күдікпен Атырау қалалық полиция басқармасының 5 жедел уәкіліне қатысты қылмыстық істі сотқа жолдады.
Олар биыл ақпанда алдын ала сөз байласып, азамат Р-ға қылмысты мойындату мақсатында анықтаудың рұқсат етілмеген әдістерін қолданып, тән және психикалық зардап келтірді деген күдікке ілінді, - деп мәлімдеді ведомство.
Полицияның 5 уәкіліне ҚР Қылмыстық колдексінің 146-бабы, 2-бөлігі "Қатыгез, адамгершілікке жатпайтын немесе қадір-қасиетті қорлайтын қарым-қатынас, азаптаулар" бойынша тергеу жүргізілді. Бұл бапта алты жылға дейін бас бостандығынан айыру жазасы қарастырылған.