Қазақстандық Жібек Құламбаева жұптық сында Прага (Чехия) ITF турнирінің ширек финалына шықты, деп хабарлайды Skifnews.kz ақпарат порталы ҚазАқпарат-қа сілтеме жасап.
Қазақстандық теннисші Польша өкілі Мартина Кубкамен бірге бастапқы кездесуін жарыстың 2-ракеткалары, чехиялықтар Доминика Салкова – Рената Ворачовамен сәтті өткізді.
Ж.Құламбаева мен М.Кубка 6:0, 7:6 (7:3) есебімен жеңіске жетті.
Олар жартылай финалға шығу үшін украиналық Валерия Страхова – румыниялық Кристина-Андреа Митумен таласады.
Қазақстанның жұптық сындағы бірінші, әлемнің 45-ракеткасы Александр Недовесов эквадорлық Гонсало Эскобармен бірге АҚШ ашық чемпионатының алғашқы айналымынан аса алмады. Олар 2 сағатқа созылған тартысты кездесуде турнирдің 12-ракеткалары, ұлыбританиялық Джейми Маррей – жаңазеландиялық Майкл Винусқа жол берді – 6:7 (3:7), 6:7 (3:7).
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
info.skifnews@gmail.com
