$ 448.81  476.82  4.77

Куәгерлер РОП операторының түпкі бенефициары Әлия Назарбаева деп көрсетті - депутат

Сот та, бас прокуратура өкілдері де сот процесінде куәгерлердің уәжіне назар аудармаған.
© Sputnik / Абзал Калиев
© Sputnik / Абзал Калиев

Куәгерлер РОП операторының түпкі бенефициары Әлия Назарбаева деп көрсетті. Бұл туралы мәжіліс депутаты Ерлан Сайыров "AMANAT" партиясының жанындағы сыбайлас жемқорлыққа қарсы іс-қимыл жөніндегі республикалық кеңес отырысында айтты, деп хабарлайды Skifnews.kz. 

Sputniknews.kz сайтының жазуынша, кеңес төрағасы жиналғандардың назарын РОП операторына қатысты мәселеге аударды.

Баршамызға белгілі, жақында РОП деп аталатын ұйым басшыларының бірқатары қылмыстық жауапқа тартылды. Сот барысында көптеген куәгер жемқорлық жолмен алынған қаржының түпкі бенефициары Әлия Назарбаева деп көрсетті, - дейді Ерлан Сайыров.

Мәжілісменнің айтуынша, сот та, бас прокуратура өкілдері де сот процесінде куәгерлердің уәжіне назар аудармаған.

Бірақ сот та, Бас прокуратура өкілдері де сот процесінде бұл азаматтардың уәжіне ешқандай назар аудармады. Егер Қазақстанда әділетті қоғам орнатамыз десек, өзіне қатысты осындай куәгерлік берілген әрбір азамат кінәсіздігін сотқа келіп дәлелдеуі қажет, - деді депутат.

Сондай-ақ Ерлан Сайыров азаматтардың уәжін міндетті түрде Бас прокуратураға жеткізетінін және бұл мәселе Кеңестің бақылауында болатынын айтты.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары