Азиада-2023: Ел қоржыны тағы екі қоламен толықты

27 қыркүйекте Қытайдың Ханчжоу қаласында өтіп жатқан Азия ойындарында Әділбек Мусин суға жүзуден, сондай-ақ Аян Тұрсын ушу-саньдадан қола медаль жеңіп алды, деп хабарлайды Skifnews.kz ақпарат порталы. 

Әділбек Мусин 100 метрге көбелек әдісімен суға жүзуден үшінші болып келді. 

Аян Тұрсын ушудан әйелдер арасындағы жарыста қола медаль жеңіп алды (52 келіге дейін салмақ дәрежесінде).

Қытай ұлттық спорт түрі - ушу-саньда Азия ойындарының бағдарламасына (ерлер) 1998 жылы енгізілген. Әйелдер арасындағы жарыс 2010 жылдан бастап екі салмақта (52 және 60 кг) сыналады, ерлер бес салмақта өнер көрсетеді (56, 60, 65, 70, 75).

Бұған дейін Қазақстанның әйелдер командасы Ханчжоуда 2022 жылғы Азия ойындарының алтын медалін жеңіп алған болатын.

Азия ойындары-2022 Ханчжоуда 23 қыркүйектен 8 қазан аралығында өтеді. Құрамында 525 адамы бар Қазақстан ұлттық құрамасы спорттың 30 түріне қатысады. Париждегі 2024 жылғы Олимпиада ойындарына қатысуға лицензиялар спорттың тоғыз түрінде ойналады. Азия ойындарында барлығы 61 бағдарлама бойынша 481 медаль жиынтығы сарапқа салынады.