Жамбыл облысында әскери полигонда үш офицер жарақат алды

Офицерлердің денсаулығы мен өміріне қауіп төніп тұрған жоқ.

фото:nikolabelopitov

Жамбыл облысында әскери полигонда ұлттық ұланның үш офицері жарақат алды, деп хабарлайды Skifnews.kz.

Ресми мәліметке сәйкес, 25 қыркүйекте жауынгерлік дайындық жоспары бойынша "Айша-Бибі" полигонында оқу-жаттығулар өткен. Сол кезде ұлттық ұланның қызметкерлері оқ атқан.

"Қауіпсіздік шараларын бұзудың нәтижесінде үш офицер аяғынан жеңіл жарақат алды. Әскери қызметшілер Тараз қаласының емдеу мекемесіне жеткізілді", - делінген ресми хабарламада.

Офицерлердің денсаулығы мен өміріне қауіп төніп тұрған жоқ. Осы оқиғаның мән-жайын анықтау мақсатында тексеріс басталды.