Алматы тауларында кәсіпқой шаңғышы жарақат алды

Алматы төтенше жағдайлар департаменті 17:20 шамасында Медеу ауданында қар көшкіні жүргенін мәлімдеді, деп хабарлайды  Skifnews.kz ақпарат порталы.

Zakon.kz басылымының мәліметінше қар көшкіні Тұйықсу мұздығында болған. Құтқарушылар 33-35 жас шамасындағы ер адамды төменге түсіру үшін оқиға орнына аттанды. 

"Алдын ала мәліметке сәйкес Тұйықсу мұздығында шаңғы тебу салдарынан қар көшкіні орын алған. 109 құтқару қызметіне құтқарушыларды күтіп отырған досы хабарласқан. Екеуі де бұл спортпен кәсіби түрде шұғылданған", – делінген ТЖД хабарламасында.

Жарақат алған ер адамды төмен түсіру үшін ТЖД мен "Қазселденқорғау" қызметкерлері аттанған.