$ 450.47  488.81  4.84

Александр Бублик Бельгиядағы жарыстың финалына шықты (ВИДЕО)

Александр Бублик финалда рейтингіде 38-сатыдағы франциялық Артюр Фиспен бас жүлдені сарапқа салады.
Фото: ktf.kz
Фото: ktf.kz

Қазақстанның бірінші, әлемнің 36-ракеткасы Александр Бублик Антверпен (Бельгия) ATP 250 турнирінің финалына шықты, деп хабарлайды Skifnews.kz ақпарат порталы Қазақстан теннис федерациясына сілтеме жасап.

Жарыстың 3-ракеткасы болып тіркелген Бублик жартылай финалда дүниежүзілік рейтингте 127-орында тұрған германиялық Максимилиан Мартерермен шеберлік байқасты.

Бірінші партияда қазақстандық теннисші бірдей брейк жасап, 2:0 есебімен алға кетті. Сол басымдылықты сақтап қала алды – 6:4.

Екінші сетте есеп 3:3 болған мезетте Бублик тағы бір брейкке қол жеткізді. Ақыры матчты жеңіспен түйіндеді – 6:4.

Александр Бублик финалда рейтингіде 38-сатыдағы франциялық Артюр Фиспен бас жүлдені сарапқа салады. Матч бүгін, 22 қазанда Астана уақытымен 20:30-да өтеді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары