Шымкентте 19 жастағы жігіт жоғалып кетті

Шымкент полицейлері 19 жастағы жоғалған жігітті іздеп жатыр, деп хабарлайды Skifnews.kz ақпарат порталы.

ІІМ баспасөз қызметінінің мәліметінше, 15 қазан күні Абай АПБ-ға жас жігіттің жоғалып кеткендігі туралы хабарлама келіп түскен.

Әжесінің айтуынша, 19 жастағы Нұрбол Ермұхамбет 13 қазанда түнгі сағат 00:30 шамасында үйінен белгісіз бағытқа шығып кетіп, содан қайта оралмаған.

Оның жүрген жерін анықтауға Шымкент қаласы Полиция департаментінің барлық жеке құрамы жұмылдырылды.

Белгілері: бойы шамамен 175-180 см, орта денелі, шашы, көзі қара түсті, үстінде қою көк түсті спортивка, қара красcовка және қара түсті күртеше болған.

Жоғалған жігіттің қайда екендігі туралы ақпараттан хабардар болсаңыз, бірден «102» нөміріне хабарласуыңызды сұраймыз, - делінген ІІМ-нің хабарламасында.