Астанада спорт мектебі 178 млн теңгеге велосипед сатып алмақ болған

Жоғарыда аталған әрекеттер Бюджет кодексінің 4-бабының 9-тармақшасына қайшы келеді және Жарғымен бекітілген мектеп қызметінің түрлеріне сәйкес келмейді.

Фото: Pixabay

Астанада бюджет және мемлекеттік сатып алу заң нормаларының сақталуына талдау жүргізілді, деп хабарлайды Skifnews.kz ақпарат порталы.

Қалалық прокуратура мәліметінше, елордадағы спорт мектептерінің бірі мемлекеттік сатып алу порталы арқылы басқа заңды тұлғаның балансында тұрған «Astana Bike» жүйесіне арналған велосипедтерді сатып алу бойынша конкурсты жөнсіз жариялағаны анықталды.

Жоғарыда аталған әрекеттер Бюджет кодексінің 4-бабының 9-тармақшасына қайшы келеді және Жарғымен бекітілген мектеп қызметінің түрлеріне сәйкес келмейді. Прокуратураның қадағалау актісімен 178 миллион теңгеге заңсыз сатып алулар жойылып, кінәлі лауазымды тұлғалар жауапкершілікке тартылды, – делінген хабарламада.