Абай облысында өртеніп кеткен бір үйдің төрт баласына қатысты тергеу басталды

Аягөзде бір үйдің төрт баласының қаза болу фактісі бойынша сотқа дейінгі тергеу жүргізілуде, деп хабарлайды Skifnews.kz ақпарат порталы.

Қайғылы оқиға 25 қазанда 11:00 шамасында болды. Үйден өрт шығып, бөлмелердің бірінде жиһаз бен жеке заттар жанған. Өрттің жалпы ауданы – 20 шаршы метр. Өрт сөндірушілер төрт баланың денесін тапты.

Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамай, кәмелетке толмағандардың абайсызда өліміне әкеп соқтырғаны үшін сотқа дейінгі тергеу басталды, — деп хабарлады Абай облыстық полиция департаментінің баспасөз қызметі. 

Сараптама тағайындалды. Қалған ақпарат тергеу мүддесі үшін жария етілмейді.