Әлем чемпионатынан жүлде алған каратэшілер елге оралды

Әлем чемпионатынан жүлде алған каратэшілер елге оралды, деп хабарлайды Skifnews.kz ақпарат порталы.

Спортшыларды қарсы алуға Спортты дамыту дирекциясының қызметкерлері, жанкүйерлері мен туыстары барды.

Айта кетейік, Мажарстан астанасы Будапештегі WKF каратэден әлем чемпионатында Қазақстан құрамасы жалпы есепте 1 алтын, 1 күміс, 1 қола медальдің арқасында 5-орын алды. Бұл тарихи көрсеткіш! Қоржынға ересектер арасындағы алғашқы алтын медаль түсті.

Іс-шарада Спортты дамыту дирекциясының директорының міндетін уақытша атқарушы Азамат Имашев жеңімпаздарды құттықтап, алдағы бәсекелерде сәттілік тіледі.

Әлем чемпионатына қатысқан спортшыларымыз жарқын жеңіспен қуантып жатыр. Мінекей, жеңімпаз мен жүлдегерлерді қарсы алып отырмыз. Каратэшілеріміз әрдайым жоғары жетістіктер көрсетіп келеді. Олар кезекті рет өздерінің мықты екендіктерін дәлелдеді. Алда тағы да жарыс жолына шығатын спортшыларымыз бар. Отандастарымызға сәттілік тілейміз!, - деді Азамат Имашев.