Еуропа чемпионатына жолдама тағдыры соңғы турдағы Словения - Қазақстан матчында шешіледі.
Еуро-2024 іріктеуінің қорытынды матчын Қазақстан құрамасы Словения құрамасымен сырт алаңда өткізеді, деп хабарлайды Skifnews.kz ақпарат порталы prosports.kz-ке сілтеме жасап.
Кездесу 21 қарашада Астана уақыты бойынша сағат 01:45-те басталады.
Айта кетейік, бұған дейін Қазақстан ұлттық құрамасы өз алаңында Сан-Мариноны қабылдап, 3:1 есебімен жеңіске жеткен.
«Тобыл» ойыншысы Ислам Чесноков дубль авторы атанса, шабуылшы Абат Айымбетов пенальтиден мергендік танытты. Қонақтар сапынан жалғыз голды Симоне Франчози соқты.
Осы ойыннан кейін Қазақстан құрамасы 18 ұпай жинады. Еуропа чемпионатына жолдама тағдыры соңғы турдағы Словения - Қазақстан матчында шешіледі.