Тарихи жеңіске берген сыйақыны болмайтын футбол мен хоккей клубында ойнайтын жігіттер ай сайын алып жатыр.
Қазақстандық аралас жекпе-жек шебері, "Найман" лақап атымен танымал Қуат Хамитов әлеуметтік желіні тағы бір шулатты. Оған футболшылар мен хоккейшілердің алатын жалақысы себеп болған. Айтуынша, болмайтын футбол, хоккей клубында ойнайтын спортшылар нәтиже көрсетіп жүрген чемпиондардан әлдеқайда көп ақша алады, деп хабарлайды Skifnews.kz ақпараттық порталы.
Кеше футболшылар мен хоккейшілердің алатын жалақысын естіп қатты жүрегім ауырды. Еркін күрестен тұңғыш әлем чемпионы атанып, көк байрағымызды көтерген, алтын медаль әкелген бауырымызды(Ризабек Айтмұхан авт.) 15 мың доллар беріп, түк болмағандай шығарып салдық. Тарихи жеңіске берген сыйақыны болмайтын футбол мен хоккей клубында ойнайтын жігіттер ай сайын алып жатыр. Әлем, Олимпиада, Азия чемпиондары неге нәтижелері жоқ спортшылардан аз ақша алуы керек? Бұл мәселені біздің елде қолға алатын адам бар ма? Спорт министрлігі, Спорт комитеті? Мұны дұрыстайтын уақыт келді! Біз жемқорлыққа шағымданып онымен күрескіміз келеді. Бірақ көз алдымызда болып жатқан "бардакты" шеше алмай отырып онымен қалай күресеміз?, - деді ол.
Қуат Хамитовтың бұл мәлімдемесін әлеуметтік желі қолданушыларының бірі қолдаса, бірі қарсы болды. Спортшының жазбасына түрлі пікір қалдырып, өз ойларын білдірді.
"Мұндай мәлімдеме жасау үшін өзің де бірдеңеге жетуің керек", "Сен неге ол жерге кірісесің?", "100% дұрыс айтасыз", "Ризабектің еңбегін бағаламағаны өте ұят болды", "Дұрыс, хоккейдегі аққұлақтарға бергенше, қара домалаққа берілсін", Барлығы алсын! Біреуден алып біреуге бермей барлығын қолдайық!", - деп желі қолданушылары жарыса жазды.