$ 443.44  480.51  4.88

Түркістан облысында кәмелет жасқа толмаған қыздардың жоғалуы жиілеген

Сондай-ақ дәл осындай арызбен полиция көмегіне Сарыағаш ауданының тұрғыны жүгінген.

Фото: inbusiness.kz
Фото: inbusiness.kz

Отырар аудандық полиция бөліміне арызданған жергілікті тұрғын қызының үйінен белгісіз бағытқа шығып, хабарсыз кеткенін айтқан, деп хабарлайы Skifnews.kz ақпарат порталы.

Тәртіп сақшылары топ-топқа бөлініп, 16 жастағы қызды белгілері бойынша іздестірді. Жедел атқарылған шаралардың нәтижесінде кәмелетке толмаған жасөспірім Шымкент қаласындағы саяжайлардың бірінен табылып, үйіне қайтарылды, деп жазды Inbusiness.kz сайты. 

Сондай-ақ дәл осындай арызбен полиция көмегіне Сарыағаш ауданының тұрғыны жүгінген.

Ол да кәмелет жасына толмаған қызының колледждегі сабағына кетіп, қайта оралмағанын жеткізген.

Полицейлер 15 жастағы қызды Шымкент қаласындағы жалдамалы пәтерде таныс қыздарымен бірге жүрген жерінен тапты. 

Одан бөлек, Келес ауданында ауруханада ем алып жатқан 17 жастағы қыз көшеге шығып кетіп, қайта оралмаған.

Ал, Жетісайда 13 жастағы қыз жоғалған. 

Шұғыл іздестіру шараларын жүргізген тәртіп сақшылары келестік қызды Шымкент қаласында пәтер жалдап тұрған жерінен тапса, Жетісайлық жасөспірім саябақтардың бірінде жүрген жерінен үйіне қайтарылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары