Маңғыстауда Жаңа жыл қарсаңында 12 сәби дүниеге келді

Маңғыстауда жаңа жыл қарсаңында 12 сәби дүниеге келді, деп хабарлайды Skifnews.kz ақпарат порталы.

Маңғыстау облыстық «Ана мен бала» орталығында 8 сәби дүниеге келді. Оның бесеуі ұл, үшеуі қыз бала, – деді Маңғыстау облыстық Денсаулық сақтау басқармасынан.

Ал, Маңғыстау облыстық көпбейінді аурухананың перинаталдық орталығында 3 қыз бала, 1 ұл бала дүниеге келді.

Дәрігерлердің айтуынша, жаңа жыл қарсаңында туған нәрестелер мен аналарының жағдайы жақсы.

Еске салсақ, Маңғыстау облысы бала туу көрсеткіші бойынша республикада алдыңғы қатарда.