$ 449.88  486.64  4.83

Бишімбаев ісіндегі жаңа мәлімет: «Қинау» қылмыстық бабы не туралы?

Бұл бап бойынша, төрт жылдан жеті жылға дейiнгi мерзiмге бас бостандығын шектеу не сол мерзiмге бас бостандығынан айыру жазасы қарастырылады.

 

 

Фото: © Sputnik / Болат Шайхинов
Фото: © Sputnik / Болат Шайхинов

17 қаңтарда Мәжіліс кулуарында ішкі істер министрінің орынбасары Игорь Лепеха журналистерге экс-министр Бишімбаевқа тағы бір бап – «Қинау» бойынша айып тағылғанын растады, деп хабарлайды Skifnews.kz ақпарат порталы Tengrinews.kz-ке сілтеме жасап.

Қуандық Бишімбаевқа қатысты қылмыстық істің жаңа мәліметтері белгілі болды: құқық қорғау органдары экс-министрге «Аса қатыгездікпен жасалған адам өлтіру» бабы бойынша ғана емес, ҚР ҚК-ның 110-бабы 2-бөлігі «Қинау» бойынша айып тағып отыр.

«Қинау» – Қылмыстық кодекс тілімен айтқанда

Қылмыстық кодекске сәйкес, Бишімбаев мына тармақтардың бірі бойынша күдікке ілінген:

  • 1-тармақ: көрiнеу кәмелетке толмаған адамға немесе кiнәлi адамға дәрменсiз күйде екенi көрінеу белгiлi не кiнәлi адамға материалдық немесе өзгедей тәуелдi адамға, сол сияқты ұрланған не кепiл ретiнде қолға түсiрілген адамға қатысты;
  • 2-тармақ: екi немесе одан да көп адамға қатысты;
  • 3-тармақ: кiнәлi адамға жүктiлiк жағдайда екенi көрінеу белгiлi әйелге қатысты;
  • 4-тармақ: алып тасталған;
  • 5-тармақ: жалдау бойынша;
  • 6-тармақ: әлеуметтiк, ұлттық, нәсiлдiк, дiни өшпендiлiк немесе араздық уәжі бойынша жасалған дәл сол іс-әрекет.

Бұл бап бойынша, төрт жылдан жеті жылға дейiнгi мерзiмге бас бостандығын шектеу не сол мерзiмге бас бостандығынан айыру жазасы қарастырылады.

Айта кетейік, кеше экс-министр Қуандық Бишімбаевқа Қылмыстық кодекстің 110-бабы 2-бөлігі («Қинау») бойынша айып тағылғаны белгілі болды. Бишімбаевқа қатысты іс Қылмыстық кодекстің 99-бабы, 2-бөлігі 5-тармағы («Аса қатыгездікпен жасалған адам өлтіру») бойынша қаралған болатын.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары