Шымкент ІІД кәмелетке толмағандарды бейімдеу орталығында тексеру жүргізуде, деп хабарлайды Skifnews.kz.
ОҚО прокурорының көмекшісі Абзал Қыдырбайдың айтуынша, бұл дерек бойынша ІІД тексеру жүргізіп жатыр.
Айта кетейік, бұған дейін сайтымызда шымкенттік бейімдеу орталығының бүлдіршіндерінің тәрбиешілер тарапынан көріп жатқан қорлығы жөнінде жазған болатынбыз. Бұған байланысты ОҚО прокуратура басқармасының басшысы Мақсат Мошқалов ғаламторда жарияланған материалға байланысты тексеру жүргізілетінін хабарлаған еді.
— Мұнда кәмелетке толмаған балалардың құқықтары қалай тапталып жатқаны көрер көзге көрініп тұр. Сондықтан біз бұл жағдайды тіркеуге алып, облыстық ІІБ-на шешім қабылдауға жіберетін боламыз, — деді ол.