$ 449.88  486.64  4.83

«Еден жуушы жұмысқа орналасу үшін 500 мың теңге ақша береді» - депутат

Желі қолданушылары Мұқаевтың бұл сөзін жарыса қостап жатыр. 

Фото: caravan.kz
Фото: caravan.kz

Депутат Дәулеи Мұқаев Мәжілістің әлеуметтік-мәдени даму комитетінің отырысында оңтүстік өңірлердегі жемқорлық туралы айтты, деп хабарлайды Skifnews.kz ақпарат порталы.

"Жемқорлық барлық салада бар. Жемқорлық жоқ деген сала жоқ. Бала дүниеге келгеннен бастап қайтыс болғанға дейін, сөздің ашығы керек. Құдай сақтасын, адам өле қалатын болса, Алматыдағы таудың маңайы, Кеңсай зиратының маңайы. Одан кейін бала дүниеге келсе, жақсы дәрігер, жақсы перзентхана керек деп тағы іздейді. Одан кейін балабақша, мектеп кетеді.  Одан кейін айтып отырғанымыздай бала университетке түседі. Одан кейін үйленіп, отбасы болған кезде не керек? Үй керек. Оны cалу үшін үйдің кезегіне тұру керек. Жұмысқа орналасады. Осы саланың барлығында жемқорлық. Маған әсіресе, Қызылорда мен Шымкенттен көп хат жазады. Мысалы, жәй ғана еден жуушы болып жұмысқа орналасу үшін 500 мың теңге сұрайды екен. Мұғалімдердің ставкасы 1-1,5 миллион болып кеткен", - деді Дәулет Төлеутайұлы. 

Желі қолданушылары депутаттың бұл мәлімдемесін қоғамның ашы шындығына балап, өз пікірлерін жарыса жазуда.

"Парамен ұсталғандар парамен шығып кетіп жатыр", "Өлім жазасы немесе екі қолын кесуге бола ма?", "Қызылордада ставка 1,5 млн  емес, кемі 2-3 млн сұрайды, тексеріңіздер, әсіресе Жаңақорғанды", ""Антикорға антикор керек қой", "Жемқорлықпен күресетіндердің өзі жемқор ғой", "Ауылды жердің директорын, дәрігерін тексеру керек", - деп жазды олар.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары