13.02.2024, 18:00

5 жасар қыздың өлімі: Пробация қызметкері бас бостандығынан айрылды

Фото: Pixabay

Сонымен қатар, сотталушы 2 жыл құқық қорғау органдарында лауазымды қызмет атқару құқығынан айырылды.

Сарыағаштағы 5 жасар қыздың өліміне қатысты істі болған пробация қызметкеріне сот шешім шығарды, деп хабарлайды Skifnews.kz ақпарат порталы.

Ісіне салғырттық танытты» деп күдікке ілінген пробация қызметкеріне қатысты сот үкімі шықты. Сарыағаш ауданында 5 жасар қызды азаптап өлтірді деп өмір бойына сотталған Гаийбназаров бас бостандығынан шектелген кезде пробация қызметкерінің қарауында болған. Сот шешімімен сезікті 2 жылға бас бостандығынан айырылды. «ҚР ҚК 371 бабы 2 бөлігінде көрсетілген қылмысты жасағаны үшін кінәлі деп танылсын. Күдікті 2 жылға бас бостандығынан айырылсын, - деп үкім шығарды Сарыағаш аудандық сотының судьясы Жасұлан Орынбаев.

Сонымен қатар, сотталушы 2 жыл құқық қорғау органдарында лауазымды қызмет атқару құқығынан айырылды, деп жазады Azattyq Ruhy.

Еске салайық, өткен жылдың шілдесінде Сырығаш ауданы Жібек жолы ауылында 5 жасар қыздың өлімі бүкіл қазақстандықтардың жағасын ұстатқан еді.