$ 439.43 € 473.31 ₽ 4.82
Бұл – қазақстандық қыздар арасындағы шорт-трек шеберлерінің әлем чемпионатында еншілеген тұңғыш жүлдесі.
Польшаның Гданьск қаласында өтіп жатқан шорт-тректен жасөспірімдер арасындағы әлем чемпионатында Алина Әжіғалиева күміс жүлдеге ие болды. Бұл туралы Skifnews.kz ақпарат порталы Спортты дамыту дирекциясына сілтеме жасап хабарлайды.
Ол әлем чемпионатында 1 500 метр қашықтықта бақ сынап, финалына шыққан болатын. Аталған қашықтықта венгриялық Маджа Дора Сомоди чемпион атанса, қытайлық Ванью Лю қола жүлдеге қол жеткізді. Ал отандасымыз екінші орынды иеленді.
Бұл – қазақстандық қыздар арасындағы шорт-трек шеберлерінің әлем чемпионатында еншілеген тұңғыш жүлдесі.
Еске салсақ, бұған дейін Алина Херенвен қаласында өткен шорт-тректен жасөспірімдер арасындағы әлем кубогында эстафеталық жарыста күміс жүлде алған еді. Құрама сапында Алина Әжғалиева, Полина Омельчук, Анастасия Астраханцева, Зейнеп Құмарқан мен Гүлдана Жалмұхан сынға түсті.
