Экс-министр Марат Бекетаевты қамауда ұстау мерзімі тағы ұзартылды

Ол лауазымдық өкілеттігін асыра пайдаланды деген күдікпен ұсталған болатын.

Фото: kapital.kz

ҚР бұрынғы Әділет министрі Марат Бекетаевты қамауда ұстауды тағы бір айға ұзарту туралы сот санкциясы қабылданды, деп хабарлайды Skifnews.kz ақпарат порталы Kazinform-ға сілтеме жасап.

"2024 жылғы 12 ақпанда Астана қаласының мамандандырылған ауданаралық тергеу сотымен күдікті Марат Бекетаевқа қатысты күзетпен ұстау түріндегі бұлтартпау шарасын 2024 жылғы 21 наурызға дейін ұзарту санкцияланды", - делінген сауал жауабында.

Сондай-ақ, қалалық соттан ҚР Қылмыстық іс жүргізу кодексінің 201-бабына сәйкес өзге деректердің жария етілмейтіні айтылды.

Еске сала кетейік, бұрынғы Әділет министрі лауазымдық өкілеттігін асыра пайдаланды деген күдікпен ұсталды.