Атырауда екі жасөспірім мұз ойығына түсіп кетті

Құтқарушылар балалардың суға батып кетуіне жол бермеген.

Фото: Polisia.kz

7 наурыз күні Жайық өзенінде екі жасөспірімнің мұз ойығына түсіп кеткенін байқаған қалалық полиция басқармасы патрульдік полиция батальонының командирі мен қызметкерлері дереу көмекке келген, деп хабарлайды Skifnews.kz ақпарат порталы.

Судан құтқарушылар жасағы келіп жеткенше патрульдік полицейлер жасөспірімдерге арқан жіп жеткізіп өздерінің беліне байлап балалардың суға батып кетуіне жол бермеген.

Санаулы уақытта адам өміріне араша түспесе тілсіз жауды жеңе алмайтынын түсінген тәртіп сақшылары мен төтенше жағдайлар департаментінің сүңгуірлері 2007 ж.т жасөспірімдерді дер кезінде жағаға шығарып, жедел-жәрдем шақырылып алғашқы медициналық көмек көрсеткен.