Бишімбаев Нүкенованы интимдік видеоға түсуге мәжбүрлеген – Прокурор

Астанада экс-министр Қуандық Бишімбаевтың ісі бойынша алдын ала сот тыңдауы өтіп жатыр, деп хабарлайды Skifnews.kz ақпарат порталы.

Әйелі Салтанат Нүкенованы өлтірді деген күдікке ілінген экс-ұлттық экономика миниситріне Қылмыстық кодекстің 99-бабы, 2-бөлігінің 6-тармағы – адам өлтіру, қасақана аса қатыгездікпен адам өлтіру (15 жылдан 20 жылға дейін немесе өмір бойына бас бостандығынан айыру), Қылмыстық кодекстің 110-бабы, 2-бөлігінің 1-тармағы – адамға дәрменсiз күйде екенi көрінеу белгiлi не кiнәлi адамға материалдық немесе өзгедей тәуелдi адамды қинау (4 жылдан 7 жылға дейін бас бостандығын шектеу немес осы мерзімге бас бостандығынан айыру) бойынша айып тағылып отыр, деп жазады sputnik.kz.

Сотта ол өзінің отбасылық жағдайы деген сұраққа "қазір басым бос" деп жауап берді.

Прокурор жасаған мәлімдемеге сәйкес, ол Салтанат Нүкеновамен заңды некеге тұрмаған.

Сонымен қатар прокурордың мәлімдемесінен Бишімбаевтың азаматтық некедеге әйелінің барлық телефон қоңырауын бақылап, оған жұмыс істеуге тыйым салған. Қаржы жағынан өзінен толықтай тәуелді еткен , жүйелі түрде зорлық-зомбылық көрсеткен. 2023 жылдың наурыз айында Бишімбаев Астанада Нүкенованы ұрған.

Бишімбаев Нүкенованы интимдік видеоға түсуге мәжбүрлеген. Кейін бопсаламақ болған. Прокурордың айтуынша, Бишімбаев қол көтергенін Салтанат өзінің туыстарына айтқан. Мұны білген соң Бишімбаев та компромат керек деп шешіп, Нүкенованы видеоға түсуге мәжбүрлеген.

Салтанат Нүкенованың өлімі

Өткен жылдың 9 қарашасында бұрынғы ұлттық экономика министрі Қуандық Бишімбаевтың елордадағы мейрамханалардың бірінде әйелін ұрып өлтіргені туралы хабар қоғамды дүр сілкіндірген еді.

Кейбір БАҚ беттерінде Бишімбаевтың қатты мас болғаны, тіпті есірткіге мас болғаны туралы хабарланды. Полиция марқұмның жедел жәрдем келгенше қайтыс болғанын айтты.

ІІМ сол күні мейрамханадағы жанжалдың салдарынан алған дене жарақаттарынан бір әйелдің қайтыс болғанын растаған еді. Алайда оқиғаға қатысты қандай да бір ақпарат берген жоқ: зардап шегушінің атын атаған жоқ.

Кейіннен ішкі істер министрлігі Астана мейрамханасындағы кісі өлімі бойынша Қуандық Бишімбаевтың ұсталғанын растады.

Тергеу барысында оқиға болған "Bau" мейрамханасы орналасқан Гастро орталық директоры қылмысты жасырды деген күдікке ілініп, уақытша ұстау изоляторына қамалды.