15.03.2024, 23:30

Qazaq Bank-тің бұрынғы акционері Бақыт Ибрагимнің денесі өлі табылды

Фото: stan.kz

Алматы қалалық полиция департаменті аталған дерек бойынша өзін-өзі өлтіруге итермелеу бойынша қылмыстық іс қозғалғанын хабарлады.

Алматыда белгілі кәсіпкер, Qazaq bank-тің бұрынғы акционері Бақыт Ибрагимнің денесі табылды. Полиция қылмыстық іс қозғалғанын хабарлады, деп хабарлайды Skifnews.kz ақпарат порталы.

Кәсіпкердің өлімі жайлы журналист Михаил Козачков өзінің Telegram-каналында хабарлаған.

"Алматыда Бақытжан Сағынтаевтың бұрынғы күйеубаласы, кәсіпкер Бақыт Ибрагимнің денесі табылды деген ақпарат келіп түсті. Алдын ала мәлімет бойынша ол өз-өзіне қол жұмсаған", - деп жазды Козачков.

Алматы қалалық полиция департаменті аталған дерек бойынша өзін-өзі өлтіруге итермелеу бойынша қылмыстық іс қозғалғанын хабарлады.

«Сараптама тағайындалды. Оқиғаның мән-жайы анықталуда», - деп хабарлады полиция департаментінің баспасөз қызметі.