Бүгін таңертең Екібастұз қаласының құтқарушылары іздестіру-құтқару жұмыстарына кірісті.
Қайғылы оқиға кеше кешке болған. Көлік жағадан шамамен 700-800 метр жердегі мұз ойығына құлап түскен, деп хабарлайды Skifnews.kz ақпарат порталы.
Оқиға Екібастұздың ГРЭС-2 стансасы аумағында, "Шандықсор" жасанды су қоймасында болған. 1978 және 1976 жылғы екі ер адам балық аулауға шығып, жеке көлікпен мұз астына түсіп кеткен.
22 наурыз күні сағат 20:33-те Екібастұз қаласы маңындағы "Шандықсор" су қоймасында екі адамның жеке көлікпен мұз астына түсіп кеткені туралы хабарлама тіркелді. Олар балық аулауға шыққан, жағадан шамамен 700-800 метр ұзағанда мұз ойылып, көлік су астына кеткен. Олардың Павлодар қаласынан келгендігі анықталды, - деп хабарлады өңірлік төтенше жағдайлар департаментінің баспасөз қызметінен.
Бүгін таңертең Екібастұз қаласының құтқарушылары іздестіру-құтқару жұмыстарына кірісті. 7 адам, 2 бірлік техника және 1 жүзу құралы жұмылдырылған. Құтқарушылар балықшылардың мүрделерін судан алып шықты.
Төтенше жағдай қызметкерлері қазір мұз өте жұқа екенін және оған шығу қауіпті екенін ескертеді.