$ 472.49  515.44  5.41

Су басқан ауылда егіздер дүниеге келді

Олар қажетті медициналық көмекпен қамтамасыз етілген. 

Фото: ДСМ
Фото: ДСМ

Ақтөбе облысының Ырғыз  ауданындағы су басқан Нұра ауылында әйел жүктіліктің 36 аптасында мерзімінен бұрын босанды, деп хабарлайды Skifnews.kz ақпарат порталы.

Ауыл аудан орталығынан 90 км қашықтықта орналасқан. Тасқынның салдарынан жол жабық.

Облыстық денсаулық сақтау басқармасының  жіберген акушер - гинеколог, анестезиолог-реаниматологтан құралған бригада межелі жерге дейін бара алмады. 

Ауыл дәрігерлері ананы өз беттерінше босандыруына тура келді.  Жүкті әйел дәрігерлік амбулаторияға жеткізілді. Жалпы тәжірибелік дәрігер мен медбикенің қатысуымен әйел сәтті босанды.  Салмағы 2800 г және 3050 грамм болатын екі қыз дүниеге келді. 

Қазіргі уақытта ана мен жаңа туған нәрестелердің жағдайы жақсы. Олар қажетті медициналық көмекпен қамтамасыз етілген. 

ҚМ-нің тікұшағы ана мен баланы аудан орталығындағы ауруханаға жеткізді.

Сіздің реакцияңыз?
Ұнайды 4
Ұнамайды 0
Күлкілі 0
Ашулы 0

Серіктес жаңалықтары