Қазіргі уақытта су деңгейі 5.95 метрге дейін көтерілген.
Бүгін, 11 сәуірде Жабай өзеніндегі су деңгейінің күрт өсуіне байланысты Атбасар қаласында сағат 4:43-те жер үйіндісінің 6 учаскесінде су тасқыны болды, деп хабарлайды Skifnews.kz ақпарат порталы.
Барлық ескерту жүйелері дереу іске қосылды. Тұрғындарды эвакуациялау, сондай-ақ нысандар мен тұрғын үйлерді қорғау шаралары жүргізілуде.
Қазіргі уақытта еріген суды мотопомпалар арқылы шығару жұмыстары жүргізілуде.
Қазіргі уақытта 111 адам эвакуацияланды, оның ішінде 25 бала. Жеке құрамның 411 адамы және жергілікті атқарушы органдар мен азаматтық қорғаудың 60-тан астам техникасы жұмылдырылды. 100-ден астам үй мен 1 мектеп су астында қалды, 200-ге жуық үй мен 2 мектеп су басу қаупінде тұр. Су тасқынына қарсы жұмыстар жалғасуда.
Ақмола облысы әкімдігі баспасөз қызметінің мәлімдеуінше, қазіргі уақытта су деңгейі 5.95 метрге дейін көтерілген. Бұл қатерлі жағдай, сондықтан ауданда ТЖ режимі жарияланды.
Барлық тұрғыннан сабырлық сақтауды сұраймын, қалада эвакуациялау пункттері ұйымдастырылған (ОМ: 2,3,5,6,7, «Олимп» ДСК, БММ), онда түнеу және тамақтану ұйымдастырылады. Су тасқынынан зардап шеккен тұрғындардың шығындары өтеледі, ол үшін комиссия құрылып, зардап шеккен үйлер дереу тексеріледі. Осыған байланысты су тасқыны қаупі бар аймақтың барлық тұрғындары үйлерінен арнайы пунктарға баруы керек, - деді аудан әкімі Аманбек Қалжанов.
Су тасқынына қарсы аудан әкімдігінде арнайы штаб құрылды. Штабқа мына нөмірлер арқылы байланысуға болады: 24227, ұялы телефон – 87055984525.