$ 443.16  480.39  4.94

ТЖМ қазақстандықтарға үндеу жасады

Құтқарушылар азаматтардан егер адамдардың өмірі мен денсаулығына қауіп төнсе, дереу 112 нөміріне немесе жедел желі телефонына хабарласуды сұрады.

Фото: Төтенше жағдайлар министрлігі
Фото: Төтенше жағдайлар министрлігі

Төтенше жағдайлар министрлігінің өкілдері ел тұрғындарына су тасқыны кезінде қандай қауіпсіздік шараларын сақтау керектігін ескертті. Құтқарушылар қазақстандықтарға үндеу жасады, деп хабарлайды Skifnews.kz ақпарат порталы.

ТЖМ өкілдері ел тұрғындарын су тасқыны кезінде мұқият болуға және мынадай қауіпсіздік шараларын қатаң сақтауға шақырды:

  • құлақтандыру дабылын алған кезде көршілеріңізге ескертіңіздер, мүгедек адамдар мен балаларға көмек көрсетіңіздер, нұсқаулықты қатаң орындаңыздар; киім-кешек, азық-түлік қорын, дәрі-дәрмекті алдын ала дайындаңыздар, құжаттарды су өткізбейтін пакетке салыңыздар;
  • электроэнергия көздерін тоқтан ажыратыңыздар, газды өшіріңіздер, пеште жанып жатқан отты сөндіріңіздер, есік пен терезелерді жабыңыздар;
  •  эвакуациялық пункттерден тиісті рұқсатсыз кетпеңіздер;
  • балаларды қараусыз қалдырмаңыздар.

Сондай-ақ құтқарушылар азаматтардан егер адамдардың өмірі мен денсаулығына қауіп төнсе, дереу 112 нөміріне немесе жедел желі телефонына хабарласуды сұрады.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары