Найзағай, жауын-шашын: бірнеше өңірде ауа райына байланысты ескерту жасалды

"Қазгидромет" РМК синоптиктері ертең, 24 сәуірде елдің барлық дерлік өңірінде ауа райына байланысты ескерту жасады, деп хабарлайды Skifnews.kz ақпарат порталы.

Жетісу облысының шығысында, оңтүстігінде солтүстік-батыстан жел соғады, күндіз екпіні 25 м/с болады.

Ақмола облысында солтүстік-шығыстан, шығыстан жел соғады, таңертең және күндіз облыстың батысында, оңтүстігінде екпіні 15-20 м/с-қа дейін жетеді.

Астанада солтүстік-шығыстан, шығыстан жел соғады, күндіз екпіні 15-20 м/с болады.

Қызылорда облысының орталығында, солтүстігінде найзағай күтіледі. Жел оңтүстік-батыстан соғады, күндіз облыстың орталығында, батысында күші 15-20 м/с. Облыстың орталығында, шығысында жоғары өрт қаупі күтіледі. 

Алматы облысының батысында, оңтүстігінде, таулы аудандарында найзағай, бұршақ, дауыл күтіледі. Күндіз облыстың орталығында шаңды дауыл күтіледі. Оңтүстік-батыстан жел соғады, күндіз облыстың батысында, орталығында, оңтүстігінде, таулы аудандарында екпіні 15-20, кей уақытта 25 м/с. 

Алматыда күндіз найзағай күтіледі, найзағай кезінде екпінді жел 15-20 м/с. 

Ақтөбе облысының түнде солтүстік-батысында, күндіз облыстың басым бөлігінде найзағай күтіледі. Шығыстан соғатын жел солтүстік-батысқа ауысады, күндіз облыстың батысында, солтүстігінде, оңтүстігінде екпіні 15-20 м/с күтіледі.

Қостанай облысының батысында, солтүстігінде, оңтүстігінде найзағай күтіледі. Оңтүстік-шығыстан, шығыстан жел соғады, облыстың батысында, солтүстігінде, оңтүстігінде екпіні 15-20 м/с күтіледі.