Атырау мектептері 29 сәуірде офлайн оқыту форматына оралады

Бұл жайлы Атырау облысы әкімінің орынбасары Жасұлан Бисембиев мәлімдеді, деп хабарлайды Skifnews.kz ақпарат порталы.

Атырау қаласында және қала маңындағы елдімекендерінде жағалауды нығайту жұмыстарының аяқталуына байланысты, 29 сәуірде облыс орталығының барлық мектептері офлайн оқыту форматына көшеді, - делінген хабарламада.

Сонымен бірге белгілі себептермен балалар Атырау қаласынан тыс жерде болса, онда оқуын онлайн жалғастыра алады.

Облыста су тасқыны жағдайы нашарласа, одан әрі іс-қимыл алгоритмі алдын ала хабарланады.