Александр Бублик Мадрид ATP 1000 турнирінің ширек финалына шыға алмады

Александр Бублик Мадрид мастерс турнирінде әлемнің 4-ракеткасына жол берді, деп хабарлайды Skifnews.kz ақпарат порталы. 

Қазақстандық теннисші төртінші айналымда әлемнің 4-ракеткасы, ресейлік Даниил Медведевке тап болды. 

Осыған дейін қарсыластар өзара алты рет кездесіп, бәрінде ресейлік спортшы жеңген екен. 
Бұл жолы бірінші партияда тай-брейкте Медведев сәтті ойнады – 7:6 (7:3). Ол екінші сетте де есесін жібермеді – 6:4.

Мадрид мастерс жарысының төртінші айналымына дейін жеткен Бублик ATP Live рейтингісінде 17-орынға шығып тұр. Бұл оның жеке рекорды болмақ.