$ 449.76  483  5.05

Қазақстан футбол лигасының жаңа президенті сайланды

Ол 1996 жылы «Тараз» сапында ел чемпионы атанды.

Фото:  kff.kz
Фото: kff.kz

Ғани Қайназаров QFL президенті ретінде қызметіне кірісті, деп хабарлайды Skifnews.kz ақпарат порталы QFL ұйымының ресми сайтына сілтеме жасап.

Бұл шешім Лигаға мүше клубтар өкілдерінің кезектен тыс отырысында қабылданды. Дауыс берушілердің көпшілігі QFL жаңа басшысының кандидатурасын мақұлдады.

Ғани Қайназаровтың футболдағы тәжірибесі мол. Әр уақытта ол «Қайрат» пен «Тараз» клубтарында өнер көрсетіп, ұлттық құраманың да намысын қорғады. 1996 жылы «Тараз» сапында ел чемпионы атанды.

Сонымен қатар ол Қазақстан Республикасының спорт шебері.

Футбол мансабын аяқтаған соң, «Тараз» футбол клубының президенті, «Астана» ФК спорт директоры қызметтерінде болды.

Сондай-ақ Қазақстан футбол федерациясында құрама командалар департаментінің директоры болып та жұмыс істеді.

2024 жылдың 2 сәуірінде QFL вице-президенті ретінде тағайындалды. 
Qazaqstan Football League Ғани Әділханұлының жаңа қызметіне табыс тілейді, - делінген хабарламада.

Сіздің реакцияңыз?
Ұнайды 3
Ұнамайды 0
Күлкілі 0
Ашулы 0

Серіктес жаңалықтары