Қызылорда облысында ер адамның мәйіті табылды

Қызылорда қаласындағы каналдан белгісіз жағдайда қаза болған 50 жастағы адамның жансыз денесі табылды, деп хабарлайды Skifnews.kz ақпарат порталы.

Оқиға Қызылорда қаласына қарасты «Бәйтерек» шағын ауданы маңындағы «Ардақ» суару каналында болған. «Облыстық төтенше жағдайлар департаменті Жедел құтқару жасағының күшімен каналдан белгісіз жағдайда қаза болған 1973 жылы туған адамның мәйіті шығарылды. Оқиға орнында 5 құтқарушы 1 техника,1 қайықпен жұмыс істеді. Суару каналының ені 10 метр болса, тереңдігі – 1 метр», - деп мәлім етті Қызылорда облыстық Төтенше жағдайлар департаментінен.

Облыстық Төтенше жағдайлар департаменті Жедел құтқару жасағының басшысы Бақыт Ембергеновтің айтуынша, облыс су айдындарында 4 адам қаза тапқан. Олардың 1-еуі ересек болса, қалғаны балалар.