Каспий теңізіне екі жасар бала батып кетті

Қайғылы оқиға Қарақия ауданы Құрық ауылынан 5 шақырым жердегі Каспий теңізінде болған, деп хабарлайды Skifnews.kz ақпарат порталы.

2022 жылы туған бүлдіршін шомылуға жабдықталмаған аумақта суға батып кетті.

Оқиғаның мән-жайын анықтау үшін жедел тергеу тобы құрылды.

"Алдын-ала болжам бойынша, суға түсу кезінде қауіпсіздік ережелері сақталмаған. Сондықтан мамандар судағы қауіпсіздік ережелерін сақтауға, атап айтқанда балаларды қараусыз қалдырмауға шақырады", — деп жазды ТЖМ-нан.