«Шығынын ақтамайды»: EXPO ғимараттарына қатысты тексеріс жүргізілмек

Жоғары аудиторлық палата төрағасы Әлихан Смайылов EXPO ғимараттарына қатысты тексеру болуы мүмкін екенін айтты, деп хабарлайды Skifnews.kz ақпарат порталы.

Бүгін Сенаттың жалпы отырысынан кейін тілшілер Ә. Смайыловтан елордада кезінде салынған EXPO ғимараттарына аудит жүргізу мүмкіндігі туралы сұрақ қойды.

«Салынған EXPO ғимараттары өзін ақтап жатыр ма? Себебі бұл ғимараттарды күтіп ұстау мен басқа шығындар бар», — деп сұрады тілшілер.

Өз кезегінде Жоғары аудиторлық палата төрағасы алдағы уақытта бұл бағытта тексеріс болатынын айтты.

«Қазір олардың табыстары ұлғайды. Бірақ толығымен өзін-өзі ақтап жатыр деп айта алмаймын», — деді Әлихан Смайылов.