$ 474.83  518.99  5.4

«Дүние-мүлкіне таласпаймын»: Анасын іздеген Жәнібектің әкесі табылды

Өкініштісі, ол кісі өмірден өткен болып шықты.

Фото: massaget.kz
Фото: massaget.kz

Қазақ радиосындағы “Бармысың, бауырым” хабарының редакциясы бельгиялық қазақ баланың биологиялық ата-анасын іздеу жұмыстарына қатысты мән-жайды мәлім етті, деп хабарлайды Skifnews.kz ақпарат порталы.

Қымбат Досжанның айтуынша, Жәнібектің туған әкесі табылған. 

“Соңғы уақытта біз үнсіз жүргенімізге қарап ашылған қылмыстық істі тоқтатып тастады деп ойламаңыздар. Зерттеу жұмысы бір сәтке де тоқтаған жоқ. Кеше мен Арқалық қаласының полиция қызметкері Саят Исламовпен бірге Қарағанды қаласына барып келдім. Зерттеу барысында Жәнібектің әкесі болуы мүмкін деген ер адам анықталды. Өкініштісі, ол кісі өмірден өткен болып шықты. Сондықтан марқұмның жақындары мен ет жақын адамдарымен сөйлесу үшін полиция қызметкеріне еріп, өзім арнайы барған едім, бірақ туыстары сөзімізге, өтінішімізге құлақ аспады. ДНҚ тестіне қан тапсырудан бас тартты”, - дейді Қымбат Досжан.

Сонымен қатар, бағдарлама редакциясына Жәнібектің әкесімен бірге жұмыс істеген азамат анонимді түрде хабарласқан. Ол Жәнібектің келбеті, жүріс-тұрысы барлығы қатты ұқсайтынын айтқан. "Марқұм әкесінің жас кезіндегі суретін көргенде Жәнібекті көргендей боламыз" деген екен. 

Ал Жәнібек "егер осы отбасының баласы болсам, олардың ақшасына не дүние-мүлкіне таласым жоқ" деп отыр.

Сіздің реакцияңыз?
Ұнайды 36
Ұнамайды 6
Күлкілі 0
Ашулы 1

Серіктес жаңалықтары