$ 475.18 € 510.72 ₽ 5.47
Ақмола облысының батысында, оңтүстігінде, шығысында өрт қаупі жоғары болады.
"Қазгидромет" РМК Қазақстан аумағы бойынша 2024 жылғы 30 маусымға арналған ауа райының жалпы болжамын ұсынды, деп хабарлайды Skifnews.kz ақпарат порталы.
Синоптиктердің болжамына сәйкес, Қазақстанның басым бөлігінде тұрақсыз ауа райы сақталады.
"Республикамыздың басым бөлігінде ауа райының тұрақсыз сипаты сақталады: жаңбыр жауады, Қазақстанның солтүстік-батысында нөсер жаңбыр жауады. Еліміздің оңтүстігі мен батысында ғана жауын-шашынсыз ауа райы күтіледі. Республикамыз бойынша ортақ табиғи құбылыс - найзағай, бұршақ, дауыл, желдің екпін алуы. Оңтүстік өңірде шаңды дауыл соғады деп күтіледі", деп мәлімдеді "Қазгидромет" РМК.
Күндіз Абай, Жетісу, Алматы, Жамбыл, Шығыс Қазақстан облыстарында аптап ыстық сақталады.
Қарағанды, Павлодар, Абай, Жетісу облыстарында, Ұлытау өңірінің солтүстігінде, шығысында, Ақмола облысының батысында, оңтүстігінде, ШҚО-ның оңтүстігінде, Маңғыстау облысының батысында, Ақмола облысының батысында, оңтүстігінде, шығысында өрт қаупі жоғары болады.
Түркістан, Жамбыл, Қызылорда, Алматы, Ұлытау облыстарында, Маңғыстау өңірінің солтүстігінде, Қостанай өңірінің оңтүстігінде, Қарағанды облысының оңтүстігінде, батысында, Абай өңірінің оңтүстігінде, Жетісу облысының солтүстігінде, шығысында, Атырау облысының батысы мен шығысында төтенше өрт қаупі сақталады.
