Құрлықтық дода 14 шілдеде мәресіне жетеді.
Футболдан 2024 жылғы Еуропа чемпионатында 1/8 финалда Португалия Словенияны жеңді, деп хабарлайды Skifnews.kz ақпарат порталы.
Кездесу алдында жанкүйерлер Криштиану Роналду секілді жұлдыздар Словенияны оп-оңай жеңеді деп болжам жасады.
Алғашқы минуттан португалиялық футболшылар алға шығуға тырысты. Оларға словениялық құрама лайықты тосқауыл қоя білді.
Екінші кезеңде де жеңімпаз анықталмады. Қосымша кезеңде гол соғылған жоқ. Осылайша 0:0 есебі тіркелді. Пенальти тебуден Португалияның жолы болды. Енді олар 5 шілдеде ширек финалда Франциямен кездеседі.
Ал 2 шілдеде 1/8 финалда Румыния мен Нидерланд, Австрия мен Түркия бақ сынайды.
Сонымен, бұл жолы құрлықтық дода 14 шілдеде мәресіне жетеді.