«Олар арамшөп»: Алматы тұрғыны ресейліктерді балағаттағаны үшін қамауға алынды

Алматы тұрғыны ресейліктерді балағаттағаны үшін қамауға алынды, деп хабарлайды Skifnews.kz ақпарат порталы.

Stan.kz-тің жазуынша, қазір алматылық тұрғынға қатысты тергеу жүріп жатыр.

Желіде тараған видеода бірнеше адамның тікелей эфирде отырғанын байқауға болады. Эфир барысында Марал Жалелова есімді қолданушы орыстар туралы жағымсыз пікір білдірген. Ол “Орыстар қазақстаннан кетсе, өмір сүру оңай болатынын” айтқан. 

"Мені отырғызғыларың келсе отырғыза беріңдер. Мен заңды бұзып жатқам жоқпын. Кетсе, өмір қаншалықты жеңілдейтіні белгілі. Мен үшін олар арамшөп. Менің ешнәрсем жоқ. Мен Гитлер жақсы десем, саған ұнай ма", – деді Марал Жалелова есімді қолданушы желіде тараған видеода.

“Әдепсіз сөздер айтып, ұлтты балағаттаған Алматы тұрғыны ұсталды. Аталған факті бойынша сотқа дейінгі тергеу амалдары жүргізілуде", – деп хабарлады Алматы қаласы полиция департаментінің өкілдері.