Көлікті жүргізген полицей қазір тергеу изоляторында отыр.
Велосипед тізгіндеген ерлі-зайыпты адамдарды көлігімен қағып, мерт қылған күдікті Ақтөбе облыстық полиция департаментінің қызметкері болып шықты, деп хабарлайды Skifnews.kz ақпарат порталы.
Ол қазір тергеу изоляторында отыр. Сонымен бірге 7 тәртіп сақшысы қызметінен босатылды.
Ақтөбе облыстық полиция департаменті жол-көлік оқиғасынан соң жүргізушінің, яғни полиция қызметкерінің ұсталғанын, тергеу изоляторына қамалғанын хабарлады.
Қазір соталды тергеу жұмысы жүріп жатыр. Жүргізуші қамалды. Осы оқиғадан соң қызметтік тексеру жүргізілді. Тексеруден соң 7 қызметкер, соның ішінде басшылары да қызметтен босатылды, - деп хабарлады Ақтөбе облыстық ПД баспасөз қызметінің жетекшісі Ерболат Сарқұлов.
Еске салсақ, 23 шілде күні сағат 00:50-де Ақтөбе қаласы Ақжар-1 ауылы маңында жеңіл көлік иесі велосипед мінген екі адамды қағып, 25 және 26 жастағы ерлі-зайыпты оқиға орнында көз жұмды. Олардың артында екі баласы қалды.