Қазір инфекциялық ауруханада 20-ға жуық адам жатыр.
Қарағанды облысында Балқаштағы көпсалалы ауруханасының инфекциялық бөліміне 14 адам түсті. Блогер Денис Денски Instagram желісіндегі парақшасында Балқаштағы элиталы демалыс орындарының бірінде демалғандар ауруханаға түскенін жазды. Бұл жайында оған оқырмандары айтқан екен, деп хабарлайды Skifnews.kz ақпарат порталы.
Жазбада улану туралы айтқан отбасы Балқашта 2024 жылғы 11-13 тамызда демалғаны айтылған. Соңғы күндері 7 жасар қыздың дене қызуы 39,5 градусқа көтеріліп, диарея басталған.
"Олар туралы пікірді Instagram желісінен оқыдық. Жалғыз біз емес екенбіз. Қазір инфекциялық ауруханада 20-ға жуық адам жатыр, олар да осы демалыс орнында демалған", - делінген жазбада.
Ekaraganda.kz сайтына Қарағанды облыстық денсаулық сақтау басқармасы өкілдері Балқаштағы көпсалалы аурухананың инфекциялық бөлімшесіне 14 адам (5 ересек, 9 бала) түскенін айтқан.
"Балалар мен ересектердің жалпы жағдайы интоксикация, ішек синдромы белгілеріне байланысты орташа ауыр. Пациенттерге тексеру және емдеу тағайындалды, ауруханаға жатқызудан бас тартуға байланысты динамикалық бақылау үшін палаталарға орналастырылды. "Жіті ішек инфекциясы" диагнозымен инфекциялық стационарға түскендерге санитариялық-эпидемиологиялық бақылау басқармасына шұғыл хабарламалар жіберілді", - деп жауап берді ведомство өкілдері.