29.08.2024, 13:20

«Юбка киген еркексің»: Атырауда блогерлер келемеждеген күзетшінің қан қысымы көтеріліп, қайтыс болды

Фото: Видеодан кадр

Марқұмның артында екі ұл, бір қызы қалды.

Жергілікті блогерлер мемлекеттік мекемеге барып, ішке кірмек болған. Олар мекемедегі өрт қауіпсіздігі, мемлекеттік тудың жоқтығы жайлы бірқатар заң бұзушылықтарды алға тартқан. Бірақ күзетші оларды турникеттен әрі жібермеген, деп хабарлайды Skifnews.kz ақпарат порталы. 

Баса-көктеп кірмек болған блогерлер сол жерде күзетшіні «Сен – бомжсың», «Сен кімсің?», «Еркек емессің», «Юбка киген еркексің» деп балағаттап, ауыр сөздер айтқан. Бұл туралы журналист Айнұр Балакешова фейсбук әлеуметтік желісіндегі парақшасында жазды. 

Осыдан соң 56 жастағы күзетші Хаким Иманиязовтың қан қысымы көтеріліп, жедел жәрдем шақыруға тура келген. Ол бірнеше күн ауруханада жатып, көз жұмған.

Мемлекеттік сараптама орталығы блогерлердің үстінен полицияға арыз түсірген. Марқұмның жұбайы да оларды қылмыстық жауапкершілікке тартуға мүдделі.

Марқұмның артында екі ұл, бір қызы қалды.