Видео авторы директор әр болмашы нәрсеге қадалып, балалардан мін іздейтінін айтқан.
Желіде Талдықорған қаласындағы №6 Макаренко атындағы орта мектептің директоры Рита Саидгариеваның әр оқушыдан мін іздеп, жөнсіз тиісе беретіні туралы видео тарады, деп хабарлайды Skifnews.kz ақпарат порталы.
Видео авторы №6 Макаренко атындағы орта мектептің директоры Рита Саидгариева әр болмашы нәрсеге қадалып, балалардан мін іздейтінін айтқан.
Бұған қатысты Талдықорған қаласының білім бөлімі бірден жауап берді.
"2024 жылғы 3 қыркүйек күні сағат 8:10 шамасында мектеп директоры, директордың тәрбие ісі жөніндегі орынбасары сабаққа балалардың қатысуы, себепсіз келмеген балаларды анықтау, мектеп формасына қойылған талаптарды реттеу мақсатында сыныптарды аралаған. Аралау барысында 9-сынып оқушысы Гүлнұр Абылайға, басқа оқушы, мұғалімдер естімеген, жеке дәлізде (09.05.2010 ж.т) косметиканы асыра қолданғаны туралы ескерту жасалып, сүртіп алу ұсынылды", – делінген білім бөлімінің хабарламасында.
Білім бөлімінің сөзінше, оқушы 1-қабаттағы қол жуғышқа (раковина) бетін жуып тұрған. Мектеп директоры бетінің су-су болғанын көріп, оқушыға жақындаған. Осылайша оқушы директордың бет сүртетін сүлгі (салфетка) ұсынып жатқан жерін өзінің TikTok-тағы парақшасына жариялап жіберген.