Қостанай облысында мектеп ғимараты жартылай қирады

Қостанай облысының Новонежинка ауылында үшінші қабаттағы қабырғаның бір бөлігі опырылып түсті. Оқиға 2024 жылғы 7 қыркүйекте болған, ешкім зардап шеккен жоқ, деп хабарлайды Skifnews.kz ақпарат порталы. 

Әулиекөл ауданының әкімдігі оқиға кезінде ғимаратта балалар мен мұғалімдердің болмағанын айтты.

"Оқиға орнында комиссия жұмыс істеп жатыр, дереу техникалық тексеру жүргізіледі және қорытынды жасалады. Кінәлілер жауапкершілікке тартылады, балалар қашықтан оқытуға ауыстырылды", - деп хабарлады әкімдік.

Әкімшіліктің хабарлауынша, мектепке күрделі жөндеу жұмыстарын 2024 жылғы маусым айынан бері мердігер жүргізген, ол жұмыс мерзімін бұзған. Бұған дейін оның атына талап арыз жіберілген, сот оны мемлекеттік сатып алудың алақол қатысушысы деп тану үшін құжаттар дайындалып жатқан көрінеді.