Алматыда ҚАЖД қызметкерлері ұсталды
Сот санкциясымен үш қызметкерге қатысты қамауда ұстау түріндегі бұлтартпау шарасы таңдалды.
ҰҚК Алматы Қылмыстық-атқару жүйесі департаментінің басшылығы мен қызметкерлеріне қатысты сотқа дейінгі тергеп-тексеру жүріп жатыр, деп хабарлайды Skifnews.kz ақпарат порталы.
ҰҚК мәліметінше, Алматы қаласы бойынша Қылмыстық-атқару жүйесі департаментінің басшылығы мен қызметкерлеріне қатысты сотқа дейінгі тергеп-тексеруді жүргізіліп жатыр.
«Лауазымды адамдар Қылмыстық кодекстің 361 (Лауазымдық өкiлеттiктерді теріс пайдалану), 362 (Билiктi немесе лауазымдық өкiлеттiктерді асыра пайдалану) және 366 (Пара алу) баптарында көзделген қылмыстық құқық бұзушылықтарды жасады деп күдіктелуде. Сот санкциясымен үш қызметкерге қатысты қамауда ұстау түріндегі бұлтартпау шарасы таңдалды», – делінген хабарламада.
Қылмыстық-процестік кодексінің 201-бабы 1-бөлігіне сәйкес өзге ақпарат жария етуге жатпайды. Жедел-тергеу іс-шаралары жалғасып жатыр.
Сіздің реакцияңыз?
Серіктес жаңалықтары
