Абай облысындағы шахтада апат болып, бір адам қаза тапты

Абай облысындағы Орлов шахтада апат болды. Салдарынан бір адам қаза тапты, деп хабарлайды Skifnews.kz ақпарат порталы.

Бұл туралы «KAZ Minerals» тобы мәлімдеді.

«19 қыркүйекте шамамен сағат 14.20-да Орлов шахтасында кәсіпорынның екі қызметкері жарақат алды. Алдын - ала анықталған себебі – тау-кен массасының опырылуы. Алған жарақаттардың салдарынан зардап шеккендердің бірі ауруханада қайтыс болды. Екінші қызметкер медициналық көмек көрсетілгеннен кейін үйіне жіберілді», - делінген хабарламада.

Оқиғаның мән-жайы мен себептері анықталып жатыр. Қайғылы жағдайды тергеу бойынша арнайы комиссия құрылды. KAZ Minerals» тобы директорлар кеңесінің төрағасы Олег Новачук жазатайым оқиғаны тергеуге қатысу үшін өңірге барды. «KAZ Minerals» тобының басшылығы мен ұжымы марқұмның туыстары мен жақындарына қайғыра көңіл айтады. Компания қаза болған қызметкердің отбасына жан-жақты көмек көрсетеді.