«Жаңбыр, тұман, найзағай»: Еліміз бойынша 23 қыркүйекке арналған ауа райы болжамы

"Қазгидромет" РМК 2024 жылы 23 қыркүйек, дүйсенбіге арналған Қазақстан аумағы бойынша ауа райы болжамын ұсынды, деп хабарлайды Skifnews.kz ақпарат порталы.

Синоптиктердің айтуынша, атмосфералық фронтальды бөліктердің жылжуына байланысты еліміздің басым бөлігінде ауа райының тұрақсыз сипаты сақталады. Атап айтқанда, жаңбыр жауады, оңтүстік-батыста, оңтүстік-шығыста найзағай ойнап, күн райы бұзылады деп күтіледі.

"Республикамыздың батысы мен оңтүстігінде антициклонның әсерінен жауын-шашынсыз ауа райы күтіледі. Қазақстан өңірлерінде сипат алатын ортақ табиғи құбылыс - желдің күшеюі, батыста, шығыста, оңтүстік-шығыстың таулы аудандарында түнде және таңертең тұман түседі", деп хабарлайды "Қазгидромет" РМК.

Ақтөбе, Қарағанды, Ұлытау облыстарында, Жетісу облысының батысында, сондай-ақ Батыс Қазақстан облысының солтүстігінде, солтүстік-шығысында, Қызылорда өңірінің солтүстік-батысында, Жамбыл облысының оңтүстік-батысында, оңтүстік-шығысында, батысында, оңтүстігінде, Шығыс Қазақстан облысының орталығында, Қостанай өңірінің оңтүстігінде, батысында, Алматы облысының орталығында, батысында, Абай облысының шығысында өрт қаупі жоғары болады.

Маңғыстау, Атырау, Түркістан, Қызылорда, Жамбыл, Батыс Қазақстан облыстарында, сондай-ақ Ұлытау облысының солтүстігі мен оңтүстігінде, Абай облысының оңтүстігінде, Жетісу облысының солтүстігі мен орталығында, Қарағанды облысының батысында, шығысында, батысында, оңтүстігінде, Ақтөбе облысының орталығында, Алматы облысының солтүстігінде төтенше өрт қаупі сақталады.