«Осыдан кейін бағы жанып кетсін»: Ағылшынша еркін сөйлейтін түркістандық күзетші елді таңқалдырды (ВИДЕО)

Желіде ағылшын тілін жетік білетін Түркістандағы Қожа Ахмет Ясауи кесенесі күзетшісінің видеосы тарады, деп хабарлайды Skifnews.kz ақпарат порталы. 

TikTok желісінде жарияланған видеодан күзетші ер азамат кесене ішінде шетелдіктермен ағылшынша еркін сөйлесіп тұрғанын көруге болады.

"Білім бар, таныс жоқ деген осы", - делінген видеоның сипаттамасында.

Желі қолданушылары видеодағы ер адам күзетші емес, мұғалім, аудармашы немесе гид болып жұмыс істеуге лайық екенін жазды.

"Күзетші ағылшынша сөйлеп тұрғанын көрген шетелдіктер таңқалған шығар", "Бауырымыз күзетші болып қор болып жүр екен, ағылшын мұғалімі болса болар еді", "Бұл кісіні көргенмін, кесененің айналасында жүреді. Өте білімді бүкіл туристерге түсіндіріп жүреді", "Осы видеодан кейін ағамыздың бағы жанып кетсін", "Әр қазағым осындай жанжақты, білімге бай болсын", - деп жазды желі қолданушылары.