«Кілемдер мен 2 тонна бояу өртенді»: Шымкентте қойма отқа оранды (ВИДЕО)

Қызыл жалынды сөндіруге ТЖД-ның 64 қызметкері және 17 техника бірлігі жұмылдырылды.

Фото: t.me/qr_tjm

Шымкент қаласындағы Сәуле шағын ауданында бір қабатты ангар типті қоймада өрт шықты, деп хабарлайды Skifnews.kz ақпарат порталы.

Төтенше жағдайлар министрлігінің мәліметінше, өрт қазір оқшауланған. Қызыл жалынды сөндіруге ТЖД-ның 64 қызметкері және 17 техника бірлігі жұмылдырылды.

"Әл-Фараби ауданы, Сәуле шағын ауданындағы Ерден көшесінде орналасқан қоймада 750 шаршы метр аумақта кілемдер мен 2 тонна бояу жанған. Зардап шеккендер туралы 112 нөміріне ақпарат түспеген", – делінген хабарламада.